Friday, December 20, 2013

ХЭЛБЭРЭЭ ОЛООГҮЙ "АЛТАН ШОНХОР"...

Бид Алтан нэртэй шагналд ихээхэн дуртай хүмүүс шиг байгаа юм. Байгаа юм нь ч юу юм... Зохион байгуулагчид нь тэгж боддог шиг шуу юм болов уу... Монголд барагтаа л анхдагч болсон наадам "Гоо Марал"-аас хойш төрөн гарсан дүү наадмууд Алтан нэрийг зүүж, "Эд"-ийн шуналтай зарим нэгний арааны шүлсийг гоожуулах нь тэр... Алтан микрафон, Алтан Сарнай, Алтан Өд, Алтан Шонхор... бас болоогүй аймаг бүр өөрийн нэрэмжит шагналаа Алтан нэрээр гоодож эхэлсэн.
Сүүлийн хэдэн жил Монголын телевизүүдийн холбооныхон гишүүн ТВ-үүдийнхээ эхийг нь эцээхгүй, тугалыг нь тураахгүйгээр тарааж хэвшсэн "Алтан Шонхор" гэх хэлбэрээ ч олж амжаагүй наадам амь бөхтэйгээр оршин тогтносоор. Америкийн ТВ-үүдийн шилдгийг тодруулдаг наадмын /Эммигийн шагнал/ цомны загварыг хуулбарлаж, удалгүй дэвсэн шонхор болгоод, эцэст нь цуцсан дүрээр эзэндээ хүрч буй шагналаас нь ажвал өөдлөх биш уруудаж байгаагийн дохио ч болох шиг. Хямд цомных нь цагирган бөмбөрцөг салж унаад байхаар нь дэвүүлж үзсэн ч байж болох. Дэвсэн Шонхорын далавч хэтэрхий үрэлгэн санагдахаар нь суулгаад авсан  ч байж мэднэ.
Цомноосоо л хэлбэрээ олоогүй энэ наадмын ганц нэг шагналын эзнийг эс тооцвол бүхэлдээ хэлбэрийн гажуудалд орчихсон бололтой...

Tuesday, November 5, 2013

ШИНЭ ЖИЛ ЗОРИУЛСАН БУДАА /Сонгодог үдэшлэгийн загвар/


Сар хүрэхгүй хугацаа үлдлээ дээ. Юунд вэ гэвэл... мэдээж шинэ жилийн баяр. Танай байгууллага шинэ жилийнхээ комиссийг байгуулаад жигтэйхэн ажилтай байгаа бол дараах санааг та нарт зориулж ээлжит "Шинэ жилийн будаа" өгч байна... Хэрэгцээтэй байж болох зарим нэг мэдээллийг өгч байгааг уншаарай. 

Monday, October 21, 2013

ХӨТЛӨГЧИД ӨӨ, НЭГДЭЖ ЯРИЛЦАХ УУ?

Шулуухандаа бол бараг бүхий л мэргэжлийнхэн өөрсдийн холбоо, нэгдэлтэй болчихож. Цахим байна уу, бодит байна уу ямар нэг байдлаар нэгдэх болжээ. Миний ажилладаг салбарынхан л харин нэгдэж нийлсэн юмгүй бололтой. Бүр тодруулбал "Хөтлөгч" бид. Хөтлөгч гэхээр зөвхөн радио, телевиз гэлтгүй тайзны хөтлөгчдийг үүнд хамруулна. Нэгэнт танигдсан хөтлөгчид бол өөр өөрийнхөө сувгаар ажлаа олоод, өөрийнхөө үзэмжээр мэдээллээ цуглуулж, бусдад бас түгээж байна. Нэг үгээр бидэнд мэргэжлийнхээ ур чадвар, ёс зүй, нэр хүндийн талаар санал бодлоо хуваалцдаг бие биедээ тус дэм болдог зүйл алга байна. Бусад салбарын мэргэжилтнүүдийг бодвол магад "амбиц"-аасаа болж ийм байдалтай ч байж мэдэх юм.
Хөтлөгчийн ажил тухайн мэргэжилтнийхээ авьяас билгээс хамааран өөр өөр түвшинд байж болох ч мэргэжлийн ёс зүйн хувьд нэгдмэл нэгэн ойлготоор ижил байх учиртай санагддаг. Мэргэжлийн ажлаа хийж гүйцэтгэх үедээ анхаарах олон зүйл бийг бид л өөрсдөө тодорхой болгож, хэм хэмжээгээ мөрдөж явах хэрэгтэй болов уу. Шинэ залуу мэргэжилтнүүд өсөж өндийсөөр байгаа энэ үед том бага гэлтгүй хэн хэндээ нэмэртэй, тустай байхын тул хааяахан нэг уулзаж ярилцах, хэлэлцэх зүйлс их бий.

ХӨТЛӨГЧИД ӨӨ, НЭГДЭЖ ЯРИЛЦАХ УУ?

Wednesday, October 2, 2013

Зөв залуус зүглэдэг боллоо

Зөв залуус гэж тодотгосон нь учиртай юм. Кофе уух гэж л кофений газрыг зорьж, тэндээ хэсэгхэн жиг жуг хийгээд л харьцгаадаг байсан цаг өнгөрч дээ. Хотын төвийн өндөр үнэтэй албан тасалгаа түрээслэх гэж зүдрэхээр кофе, цайгаа уунгаа "зөв" залуустай зэрэгцэж суугаад албаа залгуулдаг шинэхэн хэв маяг бий болоод нэг их удаагүй ч, эрэлт ихтэй байна. Ямбалах, аяглах ч шаардлагагүй... албан тасалгаанд л авч болдог үйлчилгээг авчихаж бас болно. Ер нь л сайхан даа. Өглөө эртлэн босч өглөөний цайгаа тухтай орчинд уучихаад явдаг залууст "Coffice" бүр ч тохиромжтой... Юутай ч нэг зүглээд л үзэх хэрэгтэй гэж зөвлөх байна. Эдгээр зургаас хаягийг мэдэж аваарай.